دعا ’’رب يسر و لا تعسر و تمم بالخير و بك نستعين‘‘ کا حوالہ

السلام علیکم!یہ دعا حدیث كے حوالہ اور ترجمہ کے ساتھ مطلوب ہے:’’رب يسر و لا تعسر و تمم بالخير و بك نستعين‘‘

الجواب باسم ملهم الصواب

رَبِّ يَسِّرْ وَ لَا تُعَسِّرْ وَ تَمِّمْ بِالْخَيْرِ وَ بِكَ نَسْتَعِيْنُ.ترجمہ:’’اے میرے رب (اس چیز کو) آسان فرما، اسے مشکل نہ فرمانا، اس کی تکمیل بخیر و خوبی فرما، اور ہم تجھی سے مدد مانگتے ہیں۔‘‘

سوال میں مذکور دعا کتب حدیث میں دستیاب نہ ہوسکی، تاہم علماء وصلحاء کا عام معمول ہے کہ کسی اہم کام کو شروع کرتے وقت، اسی طرح اسباق شروع کراتے وقت اس دعا کا اہتمام کرتے ہیں۔ اس لیے فرمان رسولﷺسمجھے بغیر اس دعا کو پڑھنا جائز ہے۔

والله أعلم بالصواب

فتویٰ نمبر4299 :