ہفتہ 04 ربیع الاول 1446 بہ مطابق 07 ستمبر 2024
ہفتہ 04 ربیع الاول 1446 بہ مطابق 07 ستمبر 2024
ہفتہ 04 ربیع الاول 1446 بہ مطابق 07 ستمبر 2024
فضل اللہ فاؔنی
کبھی تو دیکھیں گے شہرِ شہِ اُمم کے پہاڑ |
بنیں گے رائی جنھیں دیکھتے ہی غم کے پہاڑ |
وہ جس نے دیکھے ہوں اک مرتبہ حرم کے پہاڑ |
نظر میں اُس کی سمائیں گے کیا عجم کے پہاڑ |
رہے پہاڑ کے مانند آپ اپنی جگہ |
اگرچہ توڑے گئے آپ پر ستم کے پہاڑ |
حصارِ جسم سے نکلوں تو طیبہ آ جاؤں |
ہیں میری راہ میں سانسوں کے زیر و بم کے پہاڑ |
زبانِ حال سے کہتا تھا اُن کا رُخ ہر دم |
دکھائے تو مِرے جلوے کے آگے جم کے پہاڑ |
بنیں گے ڈھال خدا کے غضب کے آگے ہمیں |
وہ لطف و رحم کے، وہ جود کے، کرم کے پہاڑ |
یہ اُن کی نعت ہے فاؔنی کوئی غزل تو نہیں |
ردیف و قافیہ کیوں ہوں رہِ قلم کے پہاڑ |