لاگ ان
اتوار 22 شعبان 1445 بہ مطابق 03 مارچ 2024
لاگ ان
اتوار 22 شعبان 1445 بہ مطابق 03 مارچ 2024
لاگ ان / رجسٹر
اتوار 22 شعبان 1445 بہ مطابق 03 مارچ 2024
اتوار 22 شعبان 1445 بہ مطابق 03 مارچ 2024

مولانا محمد ذکی کیفی
ابنِ حضرت مولانا مفتی محمد شفیع، معروف شاعر

جن کے کہلاتے ہیں ہم

اپنی بد حالی سے یہ کہتے بھی شرماتے ہیں ہم
جا پڑیں قدموں پہ اُن کے، جن کے کہلاتے ہیں ہم
آپ کا جب ذکر چھِڑتا ہے کسی عنوان سے
گوش بر آواز بزمِ دوجہاں پاتے ہیں ہم
جیسے صحرا میں بگولہ، جیسے دریا میں حَباب
سوے طیبہ اس طرح سے جھومتے جاتے ہیں ہم
آپ کے در کے گدائے بے نوا بن کر رہیں
یہ ملِے دولت تو ہر دولت کو ٹھکراتے ہیں ہم
کوئی عالَم ہو، انہی کا نام ہے وردِ زباں
ایک نغمہ ہے جسے ہرساز پر گاتے ہیں ہم
زندگی کی ہرکٹھن منزل میں جب بھی دیکھیے
آپ کے نقشِ قدم کو رہنما پاتے ہیں ہم
لرننگ پورٹل