علامہ اقبال (۱۸۷۷۔۱۹۳۸ء)
عظیم مفکرِ اسلام، معروف شاعر
| لَوح بھی تُو، قلم بھی تُو، تیرا وجود الکتاب |
| گُنبدِ آبگینہ رنگ تیرے محیط میں حَباب |
| عالَمِ آب و خاک میں تیرے ظہور سے فروغ |
| ذرّۂ ریگ کو دیا تُو نے طلوعِ آفتاب |
| شوکتِ سنجرؔ و سلیمؔ تیرے جلال کی نمود |
| فقرِ جُنیدؔ و بایزیدؔ تیرا جمالِ بے نقاب |
| شوق ترا اگر نہ ہو میری نماز کا امام |
| میرا قیام بھی حجاب، میرا سجود بھی حجاب |
| تیری نگاہِ ناز سے دونوں مراد پا گئے |
| عقل غیاب و جستجو، عشق حضور و اضطراب |