لاگ ان
جمعہ 11 ربیع الاول 1444 بہ مطابق 07 اکتوبر 2022
لاگ ان
جمعہ 11 ربیع الاول 1444 بہ مطابق 07 اکتوبر 2022
لاگ ان / رجسٹر
جمعہ 11 ربیع الاول 1444 بہ مطابق 07 اکتوبر 2022
جمعہ 11 ربیع الاول 1444 بہ مطابق 07 اکتوبر 2022

مولانا ولی رازی
معروف ادیب

مولانا ولی رازی کی سیرۃ النبیﷺ پر غیر منقوط کتاب’’ہادیٔ عالم‘‘ سے ماخوذ

ہر دم درودِ سرورِ عالم کہا کروں
ہر لمحہ محوِ روے مکرم رہا کروں
اسمِ رسول ہوگا، مداواے دردِ دل
صل علیٰ سے دل کے دکھوں کی دوا کروں
ہر سطْر اس کی اسوہ ٔ ہادی کی ہو گواہ
اس طرْح حالِ احمدِ مرسَل کہا کروں
معمور اس کو کر کے معرّا سُطور سے
ہر کلمہ اس کا دل کے لہو سے لکھا کروں
گو مرحلہ گراں ہے، مگر ہو رہے گا طے
اسمِ رسول سے ہی درِ دل کو وا کروں
ہر دم رواں ہو دل سے درودوں کا سلسلہ
طے اس طرَحْ سے راہ کا ہر مرحلا کروں
دے دوں اگر رسولِ مکرم کا واسطہ
دل کی ہر اک مراد ملے، گر دعا کروں
اس کے علاوہ سارے سہاروں سے ٹوٹ کر
اللہ کے کرم کے سہارے رہا کروں
ہو کر رہے گا سہْل، ہر اک مرحلہ کڑا
اللہ کے کرم کا اگر آسرا کروں
اردو کو اک رسالۂ الہام دوں ولیؔ
لوگوں کو دورِ ہادیٔ عالم عطا کروں
لرننگ پورٹل