اَوقافی علامات

نصیر ترابی (۱۹۴۵۔۲۰۲۱ء)
معروف شاعر

اَوقافی علامات سے مراد اَوقاف کے وہ نشانات ہیں جو کسی بھی تحریر میں الفاظ کے مابین درج ہوتے ہیں۔علامت کی وجہ سے جملوں کے اجزا کی تقسیم اور اُن کا باہمی ربط،اِس طرح رونما ہوتا ہے کہ مفہوم کو سمجھنے میں سہولت ہو جاتی ہے۔اٹھارویں صدی تک اُردو میں قراءت کے لیے اوقاف کا استعمال بالکل ناپید تھا۔حتیٰ کہ جملے کے خاتمے پر بھی کوئی نشان نہیں ہوتا تھا۔انیسویں صدی کی تیسری دہائی میں فورٹ ولیم کالج کی شایع کردہ کتابوں میں جملوں کے اختتام پر ستارے کا نشان ملتا ہے۔یہی نشان سر سید کے’’تہذیب الاخلاق‘‘میں بھی نظر آتا ہے۔اُردو میں سب سے پہلے الطاف حسین حالیؔ کی کتاب’’یادگارِغالب‘‘(۱۸۹۷ء)میں اوقاف کی باضابطہ پابندی کی گئی لہٰذا حالیؔ کو علامت منضبط کرنے کے تعلق سے بھی تقدّم کی فضیلت حاصل ہے۔عبارت میں’’اوقاف بطرزِفرنگ‘‘کی بابت سرسیدؔ نے’’تہذیب الاخلاق‘‘(جلد۵،یکم رمضان،۱۲۹۱ھ)میں اپنے تأثرات کا اظہار کیا تھا۔یہ مضمون’’مقالاتِ سر سید‘‘مرتبہ اسماعیلؔ پانی پتی کے حصۂ ہفتم میں بھی شامل ہے۔

علامات کی تفصیل مندرجہ ذیل ہے:

(شعریات، نصیر ترابی،ص:۱۸)