مغربی تہذیب کے اثرات ”جدیدیت“ کے نام سے اہلِ مذہب پر کیا پڑے،

پیشِ نظر تحریر میں واضح الفاظ میں ان کی نشان دہی کی گئی ہے:حدیثِ جبریل میں وارد ہونے والے دین کے تین بڑے شعبوں:

علم الکلام، علم الفقہ، اور علم التصوف کا انکار کردیا گیا، چند کتابیں پڑھنے کے بعد امت کے سلف پر بد اعتمادی اور ان کی خدمات کا بڑی جراٴت سے انکار کیا گیا،

سلف کی تعبیرات کو دین کی غلط تعبیرات قرار دیا گیا،

پھر اپنی سمجھ اور فہم کو بنیاد بنا کر تواترِ امت کا انکار کردیا گیا۔

اس کے نتائج کہیں تو بے عملی اورکہیں بدعملی کی صورت میں ظاہر ہوئے اور کہیں تو بات تشکیک تک جا پہنچی۔

خود بینی اور خود نمائی کے مرَض پر ٹیکنالوجی نے خوب اضافہ کیا۔

خلاصہ یہ کہ مغربی تہذیب کے مخفی اثرات تین طرح کے ہیں: جدیدیت، ظاہریت، اور خارجیت۔