مسلمانوں کے معاشرے میں پروان چڑھنے والا ہر شخص یہ بات جانتا ہے کہ قربانی کی عبادت اسلام کے عظیم ترین شعائر میں شمار ہوتی ہے۔

ہمارے علما نے اس عبادت کو دو پیرایوں سے بیان فرمایا ہے۔

ایک پہلو اس کے فضائل و مسائل سے متعلق ہے۔

اس پہلو کو سمجھ لینا نہایت اہم ہے۔

بلکہ یہ کہنا غلط نہ ہوگا کہ دین میں اصل اہمیت اسی زاویے کو سمجھنے کی ہے۔

دوسرا پہلو اس کی حکمت و مقصد سے متعلق ہے۔

اس پیرائے کو سمجھنا فی نفسہ تو مقصودنہیں ہے،

لیکن چونکہ انسان کی طبعی تخلیق اسی ساخت پر ہوئی ہے کہ جب وہ کسی کام کی حکمت کو سمجھ لیتا ہے تو مکمل انشراح اور آمادگی سے اسے سر انجام دیتا ہے ،

چنانچہ اس زاویے کو سمجھنا بھی فائدے سے خالی نہیں ہے۔

اس کتاب کے پہلے حصے میں حکمتِ قربانی کو جبکہ دوسرے حصے میں قربانی کے فضائل و مسائل کو بیان کیا گیا ہے۔