مولانا موسی روحانی البازی رحمہ اللہ کا لکھا ہوا ’’قصیدہ طوبی فی اسماء اللہ الحسنی‘‘ پڑھنا کیسا ہے؟ اس کے بہت سارے فوائد بھی بتلائے جاتے ہیں۔ اس سے متعلق رہنمائی فرمادیں۔
الجواب باسم ملهم الصواب
مولانا موسی روحانی البازی امت مسلمہ کی ایک معتبر ترین شخصیت اور ایک عالم ربانی تھے، ان کا لکھا ہوا قصیدہ طوبی فی اسماء اللہ الحسنی پڑھنا جائز ہے اور اس قصیدے کے جو فضائل بیان کئے جاتے ہیں، وہ اس قصیدے کے پڑھنے والوں کے تجربات کی روشنی میں ہیں۔ بزرگان دین کے مجربات کا حکم یہ ہے کہ ان کو سنت یا واجب نہ سمجھا جائے، بلکہ حصول برکت کے لئے ان پر عمل کیا جائے۔
والله أعلم بالصواب
فتویٰ نمبر4488 :